الموضوع دة حصل معايا النهاردة حبيت احكية لانة بجد لية رأيين اول واحد راى والدى هو انى افتكرت انى عايشة فى مكان غير مصر او ان الكلية طيرت فيوزات مخى
الى باقية بس انا بقى راى غير انى كان نفسى احس انى فى مصر الى بتمناها المهم الموقف دا اية بقى
حضراتكم انا ساكنة فى فيصل اكيد حضراتكم عارفين انة فى فيصل يسكن جمهورية مصر كلها بل والوافدين واللاجئين السياسين المهم وانا فى رحلة كفاحى للبيت بعد الكلية الساعة 2.15 اى فى ساعة الذروة زى ما بيقلوا ركبت فيصل وكالعادة بيتشرطوا علينا وشارع فيصل بقى مليون محطة بين محطة ومحطة لازم تدفع الاجرة مرتين المهم وصلت للمكان المنشود الى هنزل فية واركب عربية تانى توصلنى للبيت المهم عربيات كتير اوى وفاضية دة الى جنن مش عايزة تركب للمكان الى انا ساكنة فية وناس كتير واقفة ومش عايزين يركبونا برضة لدرجة ان خرجت عن شعورى وكلمت سواق قلتلة هو فى اضراب الناهردة ولا اية راح بصصلى بنظرة كلها امل وبرود اه الناهردة فية اضراب ومش هنركب دلوقتى لحد المغرب قلت يعنى انتم مش ماشين غير لما اجبلكم امين شرطةقالى اه المهم خدنى الحمية الوطنية ورحت فعلا اجيب امين شرطة المهم ان فية اتنين كشك مرور بيبقى فية شرطة مرور فيصل انا فضلت ماشية ماشية ماشية لحد مرحت بجد يجى تلات محطات لحد موصلت للاقرب واحدة ولما وصلت ويارتنى ما وصلت لقيتة مقفول ومفهوش شرطة مرور وفين فى شارع فيصل الرئيسى المهم العمل هرجع كل دا تانى قلت ارجع هعمل اية وبعد مرجعت راح سواق المكروباص يقلى يا انسة احنا قررنا نركبكم مجبتيش امين الشرطة لية وطبعا حفاظا لدفاعى عن راى قررت ان مش هركب وخادها مشى لبيتنا والحمد لله وصلت بيتنا بس بعد ما وصلت بيتنا كانت رجليا تقريبا مش حاسة بيها غير شماتة الاخ رئيس السواقين الى شمت فيا لمجرد انى كنت عايزة حقى بس اهم حاجة انى متنازلتش ورضخت لمطلب رئيس السواقين
وعمار يا مصر
3 comments:
هو تقريبا و الله أعلم زي ما قريت ان دي مصر التانيه :d
لا بس عجبتيني اوي يا بعجر بجد
المشكله ان هما بيستغلوا حاجه الناس ان الناس عاوزه تروح بيوتهم و بيقرفوهم عشان ياخدوا الاجره اللي هما عاوزينها و يركبوا بمزاجهم
والله يا ايوى رغم ان صباعى بتاع رجلى فى تمدد فى الاربطة بتاعتة وتاعبنى جدا الا انى متنازلتش عن حقى ومشيت ورجلى ورمت بس حسيت انى مرضختش لمطالب الاستعما الكبرى وباذن لسوف استمر حتى ارى ما احبة فى مصريتى التى احبها واعتز بها :)
لن نرضخ للاستعمار ... سنقاوم حتي اخر قطره في دمائنا
انا قصدي عثوره علي السواقين طبعا ماحدش يفهم غلط و الله
Post a Comment