Wednesday, February 20, 2008

هبه


السلام عليكم

عنوان هذه المقالة هو اسم زميلة لى فى الكلية عشت معها عامان فى نفس المجموعة

اول امس قاعدة على النت لقيت اسم هبة نبيه فى اوف لاين قلت كويس هقراه شكلها هتكمل التيرم معانا

لقيت زميلتنا باعتة ان هبه توافاها الله

انا بجد كنت مش مصدقة هو دة فعلا بيحصل هبه توفت دة تانى موقف ليا صديقت طفولتى برضه اتوفت بس كانت مستشهدة ونفس الشعور صدقتى فعلا توفت

دماغى وقفت عن التفكير انا مش فاكرة هبة غير وهيا بتقلى انا بحاول اقدم حاجة لوالدى والدتى الى تعبوا اوى عشانى

ولما شالت ماديتن عيطت وشوية رحت اواسيها لقيتها بتضحك وبتقلى ربنا بيجعل من بين كل عسرين يسر واكيد فى يسر جايلى باذن الله

لحد الان انا مش قادرة استوعب انا بجد مش فى دماغى غير ضحكتها وشكلها وهيا بتضحك

اصحابى كلهم متاثرين اكيد كانت بنت ربنا يرحمها ويجعل قبرها روضا من رياضا الجنة

بس انا لسة واقفة هو اية الى حصل حاولت ابكى معرفتش

اصحابى كلهم بدأوا يعملوا حاجت عشانها ليلى زملتنا عملت حاجة زى صدقة جارية كل اصحابى اتحركوا واستوعبوا الامر

انا مش قادرة استوعبة ولانى مش قادرة استوبة حاسة انى هقلب الصفحة وامشى زى المرة الاولى لوفاه صديقة طفولتى

انا بطلب من كل الى بيقرأ المقالة دة يدعى لكل اموات المسلمين بالرحمة وبالثبات عند السؤال وان يجعل الله لهم قبرهم روضة من رياض الجنة وان يدعولى بالثبات والايمان

هبه انى احبك فى الله

1 comment:

Ayoy said...

بصي يا هاجر اللي حصل وقف تفكيرنا كلنا مش انتي بس و اعتقد ان اي حد خد رد فعل في الموضوع ده مش معناه ان الناس استوعبت الامر، ممكن تكون الناس بتحاول تتعايش مع الوضع بس انا فعلا و متأكده ان كلنا كده مش عارفه انسي الموضوع ده مهما حصل ممكن اهيس شويه او انسي بس برضه الموضوع قدام عيني