الانقراض ؟

انا مش من محبة التلفزيون اوى بس لو قعدت قدامة اكتر حاجة بحب اتفرج عليها برامج الى بتتكلم عن حياه الحيوان

او نبات او اى كائن حى على وجة البسيطة

كنت دايما بحب يوم الجمعة اوى من وانا صغيرة عشان عالم الحيوان كتير كانوا بيحبوة جدا

الحمد لله العلم تتطور ووجد الدش والمحطات المختصة فقط البحث العلمى على الكائنات الحية ونشر حياتها واسلوبها

ومن الطبيعى انى مدمنة القنوات دة

الى لفت نظرى بقى الفترة دة ان مفيش كائن حى بيتكلموا عنة سواء حيوان او نبات الا ولازم يقولوا انة اوشك على الانقراض

فى ناس ممكن متعرفش يعنى اية انقراض قلت لازم اعرفة ودة الى جبتة من بحثى عنة

"الانقراض هو الاختفاء النهائي واستحالة ظهوره من جديد.انقراض فصيلة ما هي عدم بقاء نوع أو مجموعة على قيد الحياة. وقد يحدث الانقراض قبل وفاة اخر فرد في هذه الفصيلة. حيث انه قد يكون بوفاة اخر عضو قادر على التكاثر في هذه الجماعة أو بكلمة أخرى توقف هذه الفصيلة عن القدرة على التكاثر لضمان ديمومتها

انا بتفرج عن القرود فى فصائل كاملة باقى منها اربع او خمسة بس بيحاولوا انهم يوفرولهم الظروف الطبيعية عشان يتكاثروا ويرجعوهم بيئتهم تانى

حتى الضفادع فصائل باكملها بتنقرض ,النمور , الافيال , وحيد القرن , السلاحف , الاسماك , الطيور والطيور حدث ولا حرج بسبب انة مبقاش فية اشجار اصلا, قطط جبلية , زواحف ومنها التعابين, حتى الماعز او ( المعيز ) منها فصائل انقرضت , الدببة كتير بجد مش هقدر اذكرهم كلهم

ولما بيتكلموا مش بيتكلموا نة فاضل الف ولا الفين من الفصيلة لا ممكن لارقام تتعد على الايد الواحدة

والى بيحاولوا يعملوة انهم جو المعمل يخليهم يتكاثروا

والى بيخليهم يتكاثروا اكيد للاسف بيفقدوا خصائص كانوا بيتميزوا بيها فى الطبيعة

سبحان الله كان دايما التكاثر فى الطبيعة بيحدث بين الفئات الاكثر قوة فالى بيجى بيجى اكثر قوة لكن الى جوة المعمل دول من التلاتة اربعة دول هيجيبوا فصائل فعلا تقدر تتعايش مع البيئة الاكثر تلوثا وتدخلا للانسان

وللاسف سبب انقراضهم مش هنقول مش عارفين زى الديناصورات او لان الارض ممكن يكون تغير مناخها المفاجئ

لا بالعكس كلة بايد الانسان بادينا احنا وللاسباب واهية

من امثلتها

شبة انقراض بعض انوا ع سمك القرش عشان الاسيويون بيحبوا زعنفة السمكة دة فى الشربة يفضلوا يصطادوا كل الكمية دة عشان زعنفة بس

شبة انقراض بعض القرود عشان يشيلوا 80% من اشجارهم عشان التعدين شوفوا كام النسبة ملقتش مكان القرود تعيش فية

الضفادع بسبب انهم زرعوا فطر عشان يستخدموا الفطر نما بطريقة غير طبيعية فى الغابات سمم الضفادع والتعابين

النمور عشان يمشوا على جلدها ويلبسوا انيبها سلسلة

كل الفصائل الى بيتنقرض حاليا للاسباب الواهية دة فعلا

كلها اسباب بسبب الترف المزيف الى الانسان عايز يعيشة

حدث ولا حرج ان ربنا سبحانة وتعالى خلق الكون متوازن لما احنا اخلينا بتوازنة ادى انقراض زيادة

الحيوانات دة كانت بتعيش على اكل حيوانات وكائنات تانية لما قلوا زادت الحيوانات والكائنات دة ادت لقة الحيوانات الى هيا بتتغذى عليها وهلم جرا سلسلة كلها مرتبطة بعض

لا بقى والخبر الاهم من الانقراض شذوذ الحيوانات ايوة زى ما قريتوها شذوذ الحيوانات

فى موسم التكائر لقو ذكر بيتكاثر مع ذكر وانثى بتتصرف كذكر لما درسوا الموضوع لقوا نة بسبب التلوث الزايد جدا ادى لتغير الهرمونات داخل الحيوانات الى خلاها تتصرف التصرف دة

انا الى بسالة الكون هيوصل لحد فين انا فاكرة زمان كنت بشوف طائر الدودو دة اهو الحاجة الى انقرضدت فى عصرنا

لكن لما ابنى يكبر او بنتى واجى اقلهم دا كان شكل الاسد وكان صوتة كدا

ولا دا الضفدع ودة من حقبة الصفداعسورات

دا بقى اللون الاخضر الى هيكون او هتكون عمرها مشفتة فى الطبيعة

هل هنوصل احنا كمان وننقرض

انا مبقتش فاهمة فعلا اية المستقبل الى قرب يجى وهل فعلا هيبقى فية مستقبل هو طبعا كل شئ بيد الله عز وجل

ولكن هيفض ل الانسان يخرب كل حاجة جميلة ربنا خلقها لحد امتى

وهيوصل لحد فين تخريبة

ولا يمكن اولادنا يجوا يقولوا كفاية لحد كدا

شعور جديد

انا مش عارفه ابدأ منين او اقول اية بس الى انا بحاول افهمة انى داخلة على مرحلة جديدة

المرحلة دة محتاجة همة عالية وافكار جديدة وتغير كل العادات العجيبة بتعاتى :) اكيد بتسألوا لية اللغبطة دة كلها

ببساطة انى من فترة طوييييييييييييييييييييييييييييييييييييييييييلة مش عارفة هيا طولت لية اوى كدا رغم كلها كام شهر

انتقلت من دفتر العازبات الى دفتر المتزوجات والحمد لله من وقتها وحاسة كل حاجة بتتغير ومتطلبة التغير مش بمزاجى كانت ماما بتقلى كدا وقلها هيهات انا اتغير بس دة فعلا بيحصل ومن غير ما آخد بالى منة والحمد لله بدأت اعرف اتدارك الامر وافهم شوية وهنا لازم اوجة الشكر جزيل الشكر لزوجى بجد استحمل كتييييييييييييييييييييييييييييييييييييييير واكتر من كدا لحد بدات استوعب بتسألوا اية يعنى الحاجت دة مثال بسيط :

ان انا كنت بعمل حاجة واحدة فى حياتى انى ازاكر واتعلم وممكن ماما تطلب منى اعمل حاجات فى البيت او اعمل شوية رز لحد مترجع ودة فى الاوقات الى بكون فاضية فيها بس لما اتجوزت بقى غير كدا خالص انا لازم اقوم انضف البيت وارتبة وكمان اطبخ ومش اى طبخ بقى مش شوية رز ويطلعوا عندهم كساح :) لا ودة وانا بنضف بالتوازى انا بقى فى الاول رغم انى درست التوازى مكنتش اعرف اطبق غير التوالى ودة نتيجتة مقلكوش بنفطر الساعة 10 صباحا والغدا بقى فى علم الغيب بس لو ربنا بيحب جوزى كان بيتغدى الساعة 7 او 8 بليل ودة كان انجاز ممكن تقولوا انة بسيط بس اسال مجرب ولا تسألش الى ادية فى المية الباردة . انا مش عارفة انا الوحيدة الى حصل معاها الاستيعاب ببطئ كدا ولا كلنا كدا

كل الى فات دة كان نص الى انا عايزة افهمة الى جاى بقى هو النص تانى الى انا مش عارفة استوعبة ولا اعملة معادلة اوصل بيها لحل

المعادلة دة ان بأذن الله وماشاء الله ( كان عندى كتكوت وكبر ):) هيشرفنا فرد تالت قريب باذن الله ربنا يتممها بخير باذن الله

لحد دلوقتى مش متخيلة انى ممكن اكون مسئولة عن طفل لية احتياجات واهم حاجة التربية الى هيسالنى عليها ربنا انا حاسة انى داخلة معركة

لسة كنت بتفرج على برنامج فجأه لقيتهم بيقولوا ال اية الام وهيا بتربى طفلها اقوى من الجيش الى بيتم تدريبة

كل المشاعر الى انا مش عارفة استوعبها دة لحد دلوقتى او مستغرباها بجد حاسة انها اروع احاسيس فى الكون كلة

كنت لما دايما بقرأ الاية (وحملته امه وهنا على وهن) كنت دايما بسأل اية الوهن وهيا حامل فية والحمد لله ربنا قدرلى وعرفت وبدأت احس فعلا كلمة ماما مش هتحسى غير لما ربنا يديكى بجد مشاعر مش تتوصف انا بكون تعبانة جدا عسر هضم وغثيان ومش عارفة تاخدى نفسك وتعب فى جسمك ومش عارفة تاكلى وتلات تربع الاكل قرفتى منة والربع الباقى بتفكرى تقرفى منة انا فى ايامى العادية كنت ممكن اولع فى الى مسببلى دة بس سبحان الله بجد سبحان الله بتقبلة بهدوء نسبى واحيانا بكون سعيدة بيه

اخيرا انا ممكن اقول انى سعيدة وخايفة متوترة بس فرحانة :)

صديق

صديق اول ما يقال صديق تجتذب الاذان والاسماع والابصار

لماذا ؟؟؟؟!!!!!

لان الصديق عملة نادرة وهم محظوظون من رزقهم الله بصديق حقيقى . اقول ما اعرفة عن ما يجب علية ان يكون الاصدقاء من الصفات وهذا من وجه نظرى يمكن ان تكون صحيحة ويمكن ان تكون خاطئة

عندما يسالونك هل لك من اصدقاء فتقول نعم لى هذا وهذا اوربما هذا فقط .

عندما تقولها بثقة تامة وفمك مبتسم انت وانت تقولها تتذكرة حينما كنتما هنا او هناك وصدق صديقك بصداقتك كم تكون فخورا بهذا وكم يكون هو فخورا بهذا

اما عندما تكون اجابتك نعم ولكن لا اعرف هل هو صديقى ام لا حينها يجب ان يكون هناك وقفة تامة .

فالصديق لا يتردد بصداقة صديقة هذة الصداقة ان ستمرت فهى صداقة سوف تهزها الحياه وتنهار ويكون عواقبها جراح واوجاع قلب

الصديق يتقبلك كما انت بعيوبك و محاسنك ويتكيف معك كما انت . معك يكتسب الخبرات .

الصديق لا يهم متى تراه لا يهم المسافه بينكما لانة مهما كبرت المسافة لن تفقدة ولن يفقدك لانك تعلم انة يعمل هناك ويعمل لاجلك

وانت تعمل وتعمل من اجله فانتم واحد مهما اختلفت طباعكم

يتقبل معك كل حقائق الحياه التى تواجهونها ويسخرها لان تتوثق وتزدادوا ترابطا

عندما تتكتشون انة لا تآلف بينك وبين صديقك فى جزء من اجزاء الحياه هل تبتعدون عنة وتكملون خوفا من ان يفرق بكم

ام تخوضون الحياه معا وبقوة ما بينكم تسحقون كل الصعاب اى من الصديقين تقف وتقول هو صديقى واى من الصديقين تقول لا اعرف

ولكن السؤال يتوقف عند هل يستحق هذا الصديق المغامرة والمجازفة لابعد نطاق الكون لنكون معا ام المجازفة معة تساوى حسبة صغيرة ماذا ساكسب وماذا ساخسر .

اقول بمنطق زمانى يجب ان يخضع لحسبة واقول بمنطق الصداقة معة ستكون المجازفة لانها ستقربنا ازماتها تقربنا لا تبعدنا نفهم بعضنا وبعضنا اكثر

اضحى ويضحى لاجل انا نستمر معا

لكن الهروب هو ابسط الحلول واجبنها واخسرها لقلوب الاصدقاء وماذا ان كان الهروب هو اول من سيخسر منة ولكنة اختارة ليكونوا اقرب ولكن الهروب لن يزيد البعد الا بعدا

فما زاد هروبا قربا وما زاد الصداقة صدقا

وان نجح الهروب واستمرت الصداقة سيظل عالق بالذهن لا اعرف وكيف وقد هرب عندها جاوب نفسك هرب من اجلى

عندها هنيئا لكا من قال هذا صديقى فقد خضنا تجارب الحياه معا

بونبون......سكاكر......ارواااااح

النهاردة انا هكتب بس دفاع عن ثقافتى وتراثى الى لا يمكن اتنازل عنة ابدا حتى لو كان البونبون ,.ز..... قصدى الارواح للركب

احكيلكم حكايتى

من وانا صغيرة كدا بتاع تلات اربع سنين شبيت وترعرعت فى بيت للعيلة واكيد اعز الولد ولد الولد فكان ليا الحمد لله نصيب من تدليل جدى الكبير

كان جدى كل ميروح يقبض المعاش بتاعة كان بينبنى من الحب جانب يقلى خدى دة وكان على ايامى ربع جنية وهاتى بية ارواح

كان بيبقى اسعد ايام حياتى لما جدى يروح يقبض كنت بتنغنغ ارواح

هتيجوا تسالونى اية هو الارواح اقلكم اصبروا شوية

لما اكمل الحكاية

يا سلام بقى لما جدى يروح طنطا يزور سيدى ابو العباس او واحد مشهور هناك جدى بقى ومن الطراز القديم ةيرجع محمل بكل ما لذ وطاب برضة من الارواح اشى احمر واخضر وكمان كل الالوان كان بيبقى هنا برضة

وكبرت وفضل الارواح دة جزء لا يتجزء من ثقافتى ودخلت الكلية

وجة يوم كنت انا واصحابى بنلف شوية هدايا كدة نوزعهم على الطلبة الجداد على اساس احنا الى فى سنة تانية من الطلبة القدام

المهم اجى اقلهم اية رايكم نحط ارواح وتجيلى الصاعقة الكبرى ............................!!!!!!!!!؟؟؟؟؟؟

ال اية مش عارفين اية هو الارواح واحدة صحبتى تقلى هنجبلهم سبرت معانا ولا زار

قلتلها لا الارواح دة يبقى يبقى هو ............. البونبووووووووووووووووووووون الى طعمة حلوومسكر وبنضحك بية على العيال الصغيرة

انا اصحابى جتلهم هستيريا من الضحك كانى كنت بقول نكتة وكلهم مصممين اقول بونبون وانا ابدا مش موافقة ارواح دة من تراثى ولا يمكن اتخلى عنة ابدا

دة كفابة انى اقولها للاولادى كدا واحكيلهم عن الارواح ال بونبون ال

وجة اليوم الموعود ................... واتخطبت وجة خطيبى بقلة ارواح هو كمان جالة صدمة يقولى بونبون وكل مقلة ارواح يجلى صدمة نفسية مش عارفة لية ومصمم برضة اغيرها وبقى كل الناس واقفين قدام تراثى وثقافتى الى بعتز بيهم وطبعا انا عشان احط وضع سلمى لحرب البونبون والارواح عشان خطيبى وايام الخطوبة الوردية قلت امرى لله انا هقول عليها سكاكر وامرى لله وبرضة مقلتش بونبون بس مش هنسى ثقافتى برضة وهنزل بغزو ثقافى على عقول اصحابى وخطيبى واخليهم يقولوا ارواااااااااااااااااااااااااااااااااااااااااااااااااح

اختى الحبيبة

السلام عليكم

النهاردة طبعا دا اول موضوع ليا بعد غيا ب طويل اوى دام 3 اشهر وطبعا اليغاب دة مكنش بايدى

اختى الوحيدة كانت بتتجوز وهيا اختى الصغيرة اتجوزت وحاليا بقى ليها شهر متجوزة

فعلا انا بقولها ان دة اصعب فترات حياتى على الاطلاق والسبب فى دة الشعور الرهيب بعد ما اختى

انتقلت بقى لبيتها وحياتها مع زوجها .........

انا هبدا قبل ما اختى تمشى كانت شهور صعبة الجواز دة طلع مرهق اوى

كل شوية خروج دخول نسينا نجيب اية ومش عارف اية لما خلاص كنت بقول امتى بقى يجى اليوم الى هرتاح فية

على الرغم من انها فترة كانت متعبة بس كنت بكون فرحانة ولما اتخانق مع اختى يلا اهى كلها شهر وهرتاح واستولى على الغرفة لوحدى

وجة اليوم المنتظر منذ خطوبة اختى وهو يوم كتب كتابها ساعتها كنت برضة سعيدة عادى اختى بيكتب كتابها

وفجأه لقيت يوم زفافها جة اليوم دة انا مكنتش فرحانة خالص انا كنت فى غيبوبة تانية المطالب والحاجة كانت كتير

وانا لوحدةى كنت معاها اخوات بقى واحنا الى هنقف لبعض

المهم جة الوقت وجة زوجها ياخدها انا كنت فى صدمة وفضلت فى كدة لحد ما بابا ركبت معاه العربية واحنا بنوصلها بيتها

وهو بيقول لماما الناهردة بس حسيت ان بنتى بقتش بتاعتى فى اللحظة دة حسيت باحساس انا مش عارفاه لحد الان بس الى حسيتة ان حاجة بتتاخد منى انا مش راضية فعلا بتتاخد غصب عنى !!!!!!!!!

وصلتها ومسكت دموعى باعجوبة بجد او مش عارفة انا ممكن اكون من هول الصدمة معرفتش ابكى

تانى يوم باركنالها ورجعت البيت

مش متوعودة ادخل البيت لوحدى متعودة انا واختى بنتخانق مين يدخل البيت الاول دة كانت اول حاجة

انى اقعد اتفرج على التلفزيون براحتى من غير ما حد يرخم عليا ونتخانق على القنوات بجد محستش بطعم الى بتفرج علية حتى وان كان من البرامج الى بحبها!!!؟؟؟

من طباعى انى بحب اقعد اجرب فى اكلات من اختراعى واختى هيا الى كانت تجرب ويا صابت ياخابت هبا الى بتدوق وتاكل

دلخت اعمل اكلة من اكلاتى المشهورة والمعروفة عالميا طب وبعدين يا بابا دوق مليش دعوة ماما دوقى مليش دعوة طيب ادوق انا معرفتش اذا كان الاكل دا حلو ولا وحش حتى وان كان حلو ضاعت حلاوتة

شكل الغرفة بعد ما مشيت بقت مرتبة وشكلها يخنق كنت بتخانق معاها عشان بتنكش الى برتبة بعناد عشان تهزر معايا واحيانا عشان تنتقم منى لما مرضيش اعملها الى هيا عايزاه كنت بكون ساعتها عايزة ارميها من اقرب ضشباك ولا بلكونة

دلوقتى منظر الغرفة بيجبلى اكتئاب وهيا مرتبة كدا

وطبعا لما رحتلها بيتها بعد ايوعين من زواجها حسيت ان خلاص الى كنت بتمنى ان يكون حلم وينتهى للاسف طلع حقيقة

وان اختى بقى ليها بيتها المستقر وحياتها المستقلة وانا رجعت بتنا تانى من غيرها

لحد اللحظة الى بكتب فيها الموضوع دة

فى حاجات مش حلوة بس هيا حياتنا ومش بنكون مقدرينها ولا عارفين اهميتها اية فعلا فى حياتنا

بس اولا واخرا هيا دة سنة الحياه على راى ماما ودة الى لازم يحصل

بس برضة وحشانى اوى يا اختى ونفسى ايامنا مع بعضينا ترجع تانى

اطفال ولكن

طبعا احنا عارفين ان فيه لغات كتير واكثرهم انتشارا الانجليزية والفرنسيه بس انا ناوية اتكلم عن لغة تانية خالص بجد وجدتها فريدة من نوعها لغة الانسان وهو عندة سنه لحد ميكون عندة 3 سنين

اللغة دة لغة الاطفال اول ميبدؤا يعرفوا يتكلموا بابا و ماما والكلمات العجيبة طبعا الى الى محدش بيفهمها غير المقربين جدا للاطفال دول واتعلموا لغتهم

للاسف انا عايشت اللغة دة بس بجد لغة جميلة جدا جدا وبتاخد قلبك وعقلك وكل حاجة

انا عندى بنت خالتى الحمد لله ربنا رازقها بولدين الكبير ملناش دعوة بية لانة رمز التشرد والتانى على حافة التشرد هو كمان

التاني بقى الى اقمت علية دراستى بما انهم مقيمن عندنا لفترة غير قصيرة خلالها قدرت استوعب كل المفردات التى يجب تعلمها عشان اعرف اتعامل ممعاه بس بجد انا حبتها جدا

وخاصة لما بيقلى هاتت وقدرت استوعب انة بيندهلى بجد ولا كلمة كويه ومن خلالها عرفت انة عايز الكورة وبيب عايز العربية غير بقى بقى فافا يعنى مصطفى بلغتة الفريدة حاجات تانية مش هعرف اكتبها الا انها بتدل على معانى فريدة جدا ومنها الاوف ومش عايزة اقلكم بيسيب كل الى فى البيت ويجى جنبى ويقلى اف اف دة بقى وللاسف متخلوش دماغكم تروح بعيد الاوف دة انة البية مش عاجبة البامبرز وعايز يغير انا مالى انا ومالى الاوف ومامتة قاعدة بس لازم الاقى الراحة الى بيجدها معايا فى الموضوع دة

دة غير لما مامتة تحب تخرج ونحاول ننصب علية وندخلة اى غرفة لحد ميخرج اكيد طبعا الدادا الى ماما جبتهالة بتقوم بالواجب هو بيقلى هاتت وللاسف بلبى طلباتة

ارخم حاجة بقى لما بيحب يركب الحمار بتاعة آه يانى مش عايزة اقلكم بيتقلى اية وانا قايمة بالدور دة :) بس فعلا بكون سعيدة جدا

اول يومين عندنا لما كان يعيط بليل كنت ببقى نفسى اقوم احط فقية اى مخدة ياه واعرف انام

دلوقتى بجد بقيت استمتع وانا بليل اقوم اشربة واشوفة عايز اية لو مامتة نايمة

ربنا يحمية ليها يا رب

بجد الاطفال دول نعمة من ربنا بس عيزين واحدة فاضية :)

انا نايوة باذن الله فى الاجازة كدا اروح اخد كورس تدريب علية :)
نسيت اقلكم اسم البية المدلل
اسمة ياسر بية

احبتى

لى ثلاث صديقات كم احبهم يملئ قلبى حبهم فى الله حقا لم اتمنى يوما منهم اى شئ غير ان يمن الله علينا بان يجمعنا فى جنانة
كلهن لهن معزة خاصة فى صدرى
ولكنى اليوم اريد ان اتحدث عن واحده منهن كم احس اننى اهدرت حقها مرارا لا استطيع حقا ان اوفى لها حقها
اليوم فاجئتنى صديقتى بهدية جميلة كم كنت احتاج لمثلها على رغم بساطتها ولكنى فىاليوم الذى نسيتها تذكرتنى
انا اود لها ان اتأسف لها عما بدر منى من اشياء كثيرة لم تعطى حق صديقتى
لا استطيع ان اجد الكلمات التى تعبر عن تلك الصديقة الرقيقة حقا كم لها مشاعر رقيقة والله انك لتشعر انها بقلب ابيض لن تجد مثلة
حقا انتى وردتى التى تفوح بعطرها فتجعل ايامى تبدوا كانها واحة غناء
احبك كثيرا كثيرا احبك حقا
احبك يا انجى احبك كثيرا