السلام عليكم
اكيد بتسالوا احساس اية وانا فى وسط امتحنات زى كدا . بس فعلا انا بقالى فترة جايلى احساس رهيب انا نفسى ارجع بتاع ست سنين كدا لورا ارجع اعمل كل الحاجت الى بحبها الى بجد قتلتها فيا الواقع . انا للاسف انسانة رومانسية ويمكن بقول للاسف لان الواقع الى بعيشة لا يؤيد اى رومانسية ويمكن اكبر دليل على كدا الكلية العزيزة .
جايلى احساس انى نفسى ارجع اتفرج على برامج التلفزيون العلمية . وارجع اقرأ الكتب عن الحيوانات والفلك الى بحبها .
نفسى امسسك قلم رصاص وورقة بيضة وارجع ارسم ارجع اتفرج على الافلام القديمة مش عشان بحبها عشان اشوف شوراع مصر زمان والناس كانت عاملة ازاى زمان.
ارجع تانى اخرج مع بابا كل اسبوع اروح مكان اثرى اسلامى وياه وافتكر هنا كان عمرو بن العاص وهو داخل مصر. اشوف البيوت الاسلامية فى الحسين والازهر وياه
النهاردة . قعدت قدام التلفزيون بتفرج على برنامج علمى من الى بحبهم على قناه الجزيرة الوثائقية فى وسط وانا مستمتعة حسيت باحساس وحش اوى حسيت انى حابسة انسانة بجد انا حسيت ان قلبى بيعيط ,والواحش من كدا ان مع نفس الحساس حسيت بوحدة رغم ان علتى واصحابى كلهم حواليا .
دا اكيد برضة احساس
4 comments:
تصدقي يا هاجر .. أنا فعلا مشتاقة جدا للورقة و القلم و الخرز و الرسم على الزجاج
برغم إن الكلية ادتني حاجات كتير أوى أوى أوى حلوة
بس أخدت حاجات كتير أوى كانت جزء مني
ربنا يعديهالنا على خير يا بوناياتي
للاسف الواحد كان في حاجات بيحبها اتدفنت من ساعه الكليه كل اجازه اقول خلاص انا هاجيب و اشتغل اركيت اللي بحبببببه و للاسف بتروح الاجازه ف الكورسات و الباقي انتوا عارفينه صحيح الواحد بيستفيد من الكورسات بس في جوانب تانيه بتضييييع
عموما طبعا بخبرتي الفريده اللي مش ليها مثيل كنت باتكلم مع واحده من الخريجين و قالت لي ان فعلا الواحد وقت الدراسه كان مقصر ف حاجات كتير بس بعد الدراسه عوض الحاجات دي
بس انا متضايقه اوي ياعيال برضه من الحاجات اللي كانت جوايا دي و اتدفنت خالص بقي
يالا انا طولت عليكم اوي
متهيألى قبل مانطالب بنقابة ، المفروض نطالب بمركز دعم نفسى للاندرجرادويت والبوستجرادويت :)
والله حسيت بالالفة لما لقيتكو هنا يابنات حاسبات على حين صدفة كده:)
بس متهيألى الواحد لو بيحب حاجة اوى هيلاقيلها وقت ،بالظبط زى ماانا بلاقى وقت للبراوزنج 24 ساعة فى اليوم حتى ايام الامتحانات (ربنا يتوب عليا بقى)
المفروض منسيبش حاجة تتدفن جوانا ، محدش يدى الاف سى اى فرصة تنال من مواهبنا واحساسنا الفنى وحبنا للحياة وتحولنا لاصفار ووحايد ماشية فى وايرز ..احنا اللى هننتصر ..الله اكبر (kidding :))
تحياتى :)
لاااااااااااا حول ولا قوة الا بالله
البقاء لله .. معلش .. شدوا حيلكوا .. شده و هتزووووووووووول ان شااااااااء الله
ايه ياعيال الكابه دي !! قطعتوا قلبي!!
انا عارفه ان الترم دا كان لا يطاق .. بس مش كويس اننا نسستسلم للكابه كدا
للي نفسه في حاجه يعملها .. واللي بيعمل حاجه - مهما كانت هي ايه - يستمتع بيها ..
بجد الوقت اللي بيعدي دا مش هيتعوض تاني .. مش زي ما ديما بيضحك علينا " لما تخلصوا ثانويه عامه وتدخلوا الكليه هترتاحوا" .. وبعد ما ندخل الكليه يقولونا"لا الحياه في الكليه صعبة .. بس اول ما تتخرجوا هترتاحوا " .. وبعد مانتخرج " الشغل متعب .. بس اول ما تتجوزوا هترتاحوا! " ... ويستمر البحث .. و بعد كل مره مش عارفه الناس اللـ " بيقولولنا" دول مش بيثبتوا كلامهم ليه؟!!!!!!!!!!!!!!!!!!!
انا طولت مش كدا برضه :D
بس انا بجد بحبكوا قوييييييييييي
Post a Comment