Tuesday, December 29, 2009

شعور جديد

انا مش عارفه ابدأ منين او اقول اية بس الى انا بحاول افهمة انى داخلة على مرحلة جديدة
المرحلة دة محتاجة همة عالية وافكار جديدة وتغير كل العادات العجيبة بتعاتى :) اكيد بتسألوا لية اللغبطة دة كلها
ببساطة انى من فترة طوييييييييييييييييييييييييييييييييييييييييييلة مش عارفة هيا طولت لية اوى كدا رغم كلها كام شهر
انتقلت من دفتر العازبات الى دفتر المتزوجات والحمد لله من وقتها وحاسة كل حاجة بتتغير ومتطلبة التغير مش بمزاجى كانت ماما بتقلى كدا وقلها هيهات انا اتغير بس دة فعلا بيحصل ومن غير ما آخد بالى منة والحمد لله بدأت اعرف اتدارك الامر وافهم شوية وهنا لازم اوجة الشكر جزيل الشكر لزوجى بجد استحمل كتييييييييييييييييييييييييييييييييييييييير واكتر من كدا لحد بدات استوعب بتسألوا اية يعنى الحاجت دة مثال بسيط :
ان انا كنت بعمل حاجة واحدة فى حياتى انى ازاكر واتعلم وممكن ماما تطلب منى اعمل حاجات فى البيت او اعمل شوية رز لحد مترجع ودة فى الاوقات الى بكون فاضية فيها بس لما اتجوزت بقى غير كدا خالص انا لازم اقوم انضف البيت وارتبة وكمان اطبخ ومش اى طبخ بقى مش شوية رز ويطلعوا عندهم كساح :) لا ودة وانا بنضف بالتوازى انا بقى فى الاول رغم انى درست التوازى مكنتش اعرف اطبق غير التوالى ودة نتيجتة مقلكوش بنفطر الساعة 10 صباحا والغدا بقى فى علم الغيب بس لو ربنا بيحب جوزى كان بيتغدى الساعة 7 او 8 بليل ودة كان انجاز ممكن تقولوا انة بسيط بس اسال مجرب ولا تسألش الى ادية فى المية الباردة . انا مش عارفة انا الوحيدة الى حصل معاها الاستيعاب ببطئ كدا ولا كلنا كدا
كل الى فات دة كان نص الى انا عايزة افهمة الى جاى بقى هو النص تانى الى انا مش عارفة استوعبة ولا اعملة معادلة اوصل بيها لحل
المعادلة دة ان بأذن الله وماشاء الله ( كان عندى كتكوت وكبر ):) هيشرفنا فرد تالت قريب باذن الله ربنا يتممها بخير باذن الله
لحد دلوقتى مش متخيلة انى ممكن اكون مسئولة عن طفل لية احتياجات واهم حاجة التربية الى هيسالنى عليها ربنا انا حاسة انى داخلة معركة
لسة كنت بتفرج على برنامج فجأه لقيتهم بيقولوا ال اية الام وهيا بتربى طفلها اقوى من الجيش الى بيتم تدريبة
كل المشاعر الى انا مش عارفة استوعبها دة لحد دلوقتى او مستغرباها بجد حاسة انها اروع احاسيس فى الكون كلة
كنت لما دايما بقرأ الاية (وحملته امه وهنا على وهن) كنت دايما بسأل اية الوهن وهيا حامل فية والحمد لله ربنا قدرلى وعرفت وبدأت احس فعلا كلمة ماما مش هتحسى غير لما ربنا يديكى بجد مشاعر مش تتوصف انا بكون تعبانة جدا عسر هضم وغثيان ومش عارفة تاخدى نفسك وتعب فى جسمك ومش عارفة تاكلى وتلات تربع الاكل قرفتى منة والربع الباقى بتفكرى تقرفى منة انا فى ايامى العادية كنت ممكن اولع فى الى مسببلى دة بس سبحان الله بجد سبحان الله بتقبلة بهدوء نسبى واحيانا بكون سعيدة بيه
اخيرا انا ممكن اقول انى سعيدة وخايفة متوترة بس فرحانة :)

4 comments:

Ayoy said...

don't worry ya grgrrrr enty 2adaha w 2dooood. Just be will prepared for "za3bolla ;) ". you are a very good one i am sure you will be a very good mother :)

Eng.Ebtehal said...

حبيبتي يا هاجر
ربنا يقويكي يا رب
و يتتملك علي خير و تشوفي احلي طفل قدامك يا رب
و باذن الله هتربيه احسن تربية متخافيش
ربنا هيكون معاكي و هيقويكي و الله
ربنا يباركلك يا حبيبة قلبي يا رب

Walaa said...

بس لاااااااازم يا جرجر تعلميه يسمع كلام خالته ويلللوز :D

asma said...

ماشاءالله يااختي الله يسعدك ويكتبلنا احنا الباقين لسه في دفتر العازبات وننتقل بأه لقسم المتزوجات والله الواحد تعب من الانتظار لكن دا امر الله, الله يرزقنا بالي يسعد قلوبنا ويهنينا وجميع بنات المسلمين يااارب
ربنا يهنيكي واتمنى تكوني بنفس مستوى السعاده بعد الوقت الطويل ده:)ده اول مره اشوف مدونتك
بالتوفيق