Saturday, April 12, 2008

اطفال ولكن


طبعا احنا عارفين ان فيه لغات كتير واكثرهم انتشارا الانجليزية والفرنسيه بس انا ناوية اتكلم عن لغة تانية خالص بجد وجدتها فريدة من نوعها لغة الانسان وهو عندة سنه لحد ميكون عندة 3 سنين

اللغة دة لغة الاطفال اول ميبدؤا يعرفوا يتكلموا بابا و ماما والكلمات العجيبة طبعا الى الى محدش بيفهمها غير المقربين جدا للاطفال دول واتعلموا لغتهم

للاسف انا عايشت اللغة دة بس بجد لغة جميلة جدا جدا وبتاخد قلبك وعقلك وكل حاجة

انا عندى بنت خالتى الحمد لله ربنا رازقها بولدين الكبير ملناش دعوة بية لانة رمز التشرد والتانى على حافة التشرد هو كمان

التاني بقى الى اقمت علية دراستى بما انهم مقيمن عندنا لفترة غير قصيرة خلالها قدرت استوعب كل المفردات التى يجب تعلمها عشان اعرف اتعامل ممعاه بس بجد انا حبتها جدا

وخاصة لما بيقلى هاتت وقدرت استوعب انة بيندهلى بجد ولا كلمة كويه ومن خلالها عرفت انة عايز الكورة وبيب عايز العربية غير بقى بقى فافا يعنى مصطفى بلغتة الفريدة حاجات تانية مش هعرف اكتبها الا انها بتدل على معانى فريدة جدا ومنها الاوف ومش عايزة اقلكم بيسيب كل الى فى البيت ويجى جنبى ويقلى اف اف دة بقى وللاسف متخلوش دماغكم تروح بعيد الاوف دة انة البية مش عاجبة البامبرز وعايز يغير انا مالى انا ومالى الاوف ومامتة قاعدة بس لازم الاقى الراحة الى بيجدها معايا فى الموضوع دة

دة غير لما مامتة تحب تخرج ونحاول ننصب علية وندخلة اى غرفة لحد ميخرج اكيد طبعا الدادا الى ماما جبتهالة بتقوم بالواجب هو بيقلى هاتت وللاسف بلبى طلباتة

ارخم حاجة بقى لما بيحب يركب الحمار بتاعة آه يانى مش عايزة اقلكم بيتقلى اية وانا قايمة بالدور دة :) بس فعلا بكون سعيدة جدا

اول يومين عندنا لما كان يعيط بليل كنت ببقى نفسى اقوم احط فقية اى مخدة ياه واعرف انام

دلوقتى بجد بقيت استمتع وانا بليل اقوم اشربة واشوفة عايز اية لو مامتة نايمة

ربنا يحمية ليها يا رب

بجد الاطفال دول نعمة من ربنا بس عيزين واحدة فاضية :)

انا نايوة باذن الله فى الاجازة كدا اروح اخد كورس تدريب علية :)
نسيت اقلكم اسم البية المدلل
اسمة ياسر بية

3 comments:

آيـــ الله ـات said...

هههههههههههههههههه
ربنا يخليهولك يا بت يا جرجر
في برضو من ضمن الكلمات إمبو و ددح و حاجات من البتنجانة دي

باقعد يا أختي أترجم في الكلام إني أفهم هم عاوزين إيه
بافشل بصراحة يا أختشي
خيييييييييييير
:D
ربنا يوعدك يا هاجر باللي تفهمي كلامهم

Aya Sami said...

لا فظااااع يا بنت يا بنجر انا برضه عيال اختي برضه كانوا مطلعين عيني
بس تخيلي كده أحسن لما بيتكلموا صح بيبقوا رخمين اوي كده نقعد نضحك عليهم كده:d

Hajar said...

يارب يا توتى مهو فى كلمات كتيرة فعلا بس قلتلك يعجز الكى بورد عن كتابتها دة من ضمن كلاماتة ننة وانا فكراه عايز ينام ونيمة ويعيط لما كنت هتجنن فى الاخر طلعت عايز ياكل جبنة