الاصرار

الاصرار ....... انا اكتشفت ان الكلمة دة هيا النجاح بحد ذاتها

انا وصحبتى كنا فى معرض اكتاب وكنا بنشوف زى حكم كدا لطارق السويدى فلقيت انامش متذكرة اوى الحكمة بس معناها ان مش الى بيفشل هو الى مش هيوصل لطريق النجاح بس المنسحب هو دةالى مش هيوصل للنجاح

بما انى بحب الحشرات واكيد مش كلها ما عدا هذا الكائن المقزز الى اسمة صرصور فانا بحب اعرف حياتهم وخصائصهم

المهم شفت نملة ماشية على مكتبى رحت حطيتها جوة زجاجة مش تعذيب انا بس كنت عايزة اعرف هتعمل اية النملة انا قعدت اتفرج النملة الزجاجة نعمة جدا من جوا ومش عارفة تخرج تطلع وتقع تانى فضلت كتير اوى مصابرة تطلع وتقع انا قلت هتتعب بعد شوية وتسكت فضلت ازاكر جنبها وهيا مش بتبطل بجد انا استعجبت من قدرتها على انا طبعا بشهامتى تقديرا لمجهودتها خرجتها وسبتها تمشى

فى حياتى فكرت كام مرة استسلمت وكام مرة مكملتش من اول عواقب قابلتنى كتير اوى غيرت حاجات كتير عاشن مثابرتش قدامها

النجاح عاولمة كتيرة اوى بس اهمها فعلا انك يكون عندك اصرار والاصرار مش بيجى الا لما فعلا تكون هدفك قدامك واضح وشايف النجاح قدامك زى النملة مكان هدفها حاجة واحدة هيا انها تطلع برة الزجاجة

من ساعتها يمكن مش بنجح فى الحاجة الى انا عايزاها وبفشل وشوية انجح شوية صغيرة الا انى مصرة على انى هنجح باذن الله

هبه

السلام عليكم

عنوان هذه المقالة هو اسم زميلة لى فى الكلية عشت معها عامان فى نفس المجموعة

اول امس قاعدة على النت لقيت اسم هبة نبيه فى اوف لاين قلت كويس هقراه شكلها هتكمل التيرم معانا

لقيت زميلتنا باعتة ان هبه توافاها الله

انا بجد كنت مش مصدقة هو دة فعلا بيحصل هبه توفت دة تانى موقف ليا صديقت طفولتى برضه اتوفت بس كانت مستشهدة ونفس الشعور صدقتى فعلا توفت

دماغى وقفت عن التفكير انا مش فاكرة هبة غير وهيا بتقلى انا بحاول اقدم حاجة لوالدى والدتى الى تعبوا اوى عشانى

ولما شالت ماديتن عيطت وشوية رحت اواسيها لقيتها بتضحك وبتقلى ربنا بيجعل من بين كل عسرين يسر واكيد فى يسر جايلى باذن الله

لحد الان انا مش قادرة استوعب انا بجد مش فى دماغى غير ضحكتها وشكلها وهيا بتضحك

اصحابى كلهم متاثرين اكيد كانت بنت ربنا يرحمها ويجعل قبرها روضا من رياضا الجنة

بس انا لسة واقفة هو اية الى حصل حاولت ابكى معرفتش

اصحابى كلهم بدأوا يعملوا حاجت عشانها ليلى زملتنا عملت حاجة زى صدقة جارية كل اصحابى اتحركوا واستوعبوا الامر

انا مش قادرة استوعبة ولانى مش قادرة استوبة حاسة انى هقلب الصفحة وامشى زى المرة الاولى لوفاه صديقة طفولتى

انا بطلب من كل الى بيقرأ المقالة دة يدعى لكل اموات المسلمين بالرحمة وبالثبات عند السؤال وان يجعل الله لهم قبرهم روضة من رياض الجنة وان يدعولى بالثبات والايمان

هبه انى احبك فى الله

تهنئة خاصة للاجمل عروسه

امبارح كانت خطوبة حبيبتى وصدقتى واختى فى الله بجد بدعيلها من كل قلبى ربنا يباركلها ويتمملها بخير

كان نفسى اغنيلها بقى بس مش هعرف بس فى حاجة فى نفسى نفسى اقلها

يا جمالها يا جمالها يا جمالها

عروستنا مفيش فى جمالها

مبروووووووووووووووووووووووووووووووووووووووك

عمار يا مصر

الموضوع دة حصل معايا النهاردة حبيت احكية لانة بجد لية رأيين اول واحد راى والدى هو انى افتكرت انى عايشة فى مكان غير مصر او ان الكلية طيرت فيوزات مخى

الى باقية بس انا بقى راى غير انى كان نفسى احس انى فى مصر الى بتمناها المهم الموقف دا اية بقى

حضراتكم انا ساكنة فى فيصل اكيد حضراتكم عارفين انة فى فيصل يسكن جمهورية مصر كلها بل والوافدين واللاجئين السياسين المهم وانا فى رحلة كفاحى للبيت بعد الكلية الساعة 2.15 اى فى ساعة الذروة زى ما بيقلوا ركبت فيصل وكالعادة بيتشرطوا علينا وشارع فيصل بقى مليون محطة بين محطة ومحطة لازم تدفع الاجرة مرتين المهم وصلت للمكان المنشود الى هنزل فية واركب عربية تانى توصلنى للبيت المهم عربيات كتير اوى وفاضية دة الى جنن مش عايزة تركب للمكان الى انا ساكنة فية وناس كتير واقفة ومش عايزين يركبونا برضة لدرجة ان خرجت عن شعورى وكلمت سواق قلتلة هو فى اضراب الناهردة ولا اية راح بصصلى بنظرة كلها امل وبرود اه الناهردة فية اضراب ومش هنركب دلوقتى لحد المغرب قلت يعنى انتم مش ماشين غير لما اجبلكم امين شرطةقالى اه المهم خدنى الحمية الوطنية ورحت فعلا اجيب امين شرطة المهم ان فية اتنين كشك مرور بيبقى فية شرطة مرور فيصل انا فضلت ماشية ماشية ماشية لحد مرحت بجد يجى تلات محطات لحد موصلت للاقرب واحدة ولما وصلت ويارتنى ما وصلت لقيتة مقفول ومفهوش شرطة مرور وفين فى شارع فيصل الرئيسى المهم العمل هرجع كل دا تانى قلت ارجع هعمل اية وبعد مرجعت راح سواق المكروباص يقلى يا انسة احنا قررنا نركبكم مجبتيش امين الشرطة لية وطبعا حفاظا لدفاعى عن راى قررت ان مش هركب وخادها مشى لبيتنا والحمد لله وصلت بيتنا بس بعد ما وصلت بيتنا كانت رجليا تقريبا مش حاسة بيها غير شماتة الاخ رئيس السواقين الى شمت فيا لمجرد انى كنت عايزة حقى بس اهم حاجة انى متنازلتش ورضخت لمطلب رئيس السواقين

وعمار يا مصر

احساس

السلام عليكم

اكيد بتسالوا احساس اية وانا فى وسط امتحنات زى كدا . بس فعلا انا بقالى فترة جايلى احساس رهيب انا نفسى ارجع بتاع ست سنين كدا لورا ارجع اعمل كل الحاجت الى بحبها الى بجد قتلتها فيا الواقع . انا للاسف انسانة رومانسية ويمكن بقول للاسف لان الواقع الى بعيشة لا يؤيد اى رومانسية ويمكن اكبر دليل على كدا الكلية العزيزة .

جايلى احساس انى نفسى ارجع اتفرج على برامج التلفزيون العلمية . وارجع اقرأ الكتب عن الحيوانات والفلك الى بحبها .

نفسى امسسك قلم رصاص وورقة بيضة وارجع ارسم ارجع اتفرج على الافلام القديمة مش عشان بحبها عشان اشوف شوراع مصر زمان والناس كانت عاملة ازاى زمان.

ارجع تانى اخرج مع بابا كل اسبوع اروح مكان اثرى اسلامى وياه وافتكر هنا كان عمرو بن العاص وهو داخل مصر. اشوف البيوت الاسلامية فى الحسين والازهر وياه

النهاردة . قعدت قدام التلفزيون بتفرج على برنامج علمى من الى بحبهم على قناه الجزيرة الوثائقية فى وسط وانا مستمتعة حسيت باحساس وحش اوى حسيت انى حابسة انسانة بجد انا حسيت ان قلبى بيعيط ,والواحش من كدا ان مع نفس الحساس حسيت بوحدة رغم ان علتى واصحابى كلهم حواليا .

دا اكيد برضة احساس

upload

الكارتون وحياتى

الكارتون ...... اول ما حد يشوفنى قدامة متنحة لعابى يسيل امام المحروسة سبيس تون ما يصيبهم ألا موجة من الضحك العارم وكانهم شافوا اراجوز مش عارفة لية

الحاجة الى نفسسى اقلهالهم بجد لما بيشفونى كدا انا لما بعوز انسى الدنيا وما فيها وابحر فى عالم اتنى بس اتفرج على الكارتون بكون فى عالم تانى وكل الضغط الحياه وكانة لم يوجد

اتعلمت منة حاجات كتير اوى اتعلمت انى مقدرش اعيش من غير صحاب مش هنسى ابدا اغنية اطفال الدجيتال " هيا يا صديقى شاركنى طاريقى فالعقل لا يجدى من دون التحدى وروح المغامرة " عايزة اقلكم بجد جسمى بيقشعر واحس اد اية فعلا الصديق هو الكنز الى فى رحلة الحياه

او انى اشوف ريمى اد اية بحس بالرومانسية والامل مهما جبت درجات زى الزفت ومهما حليت فى المتحنات زى الزفت الا انى مش بفقد ل ومش بيأس ابدا مش عارفة داياما بحس انى قدامى امل حتى لو اتخرجت ولسة عندى نفس الدرجات الزبالة عندى الامل انة فى حجاة كويسة انا هعملها عندى الامل انى الاقى هدفى فعلا

بجد كل كارتون بشوفة بيعلق معايا اى وبتعلم منة حاجت كتير اكيد مش انتومك بيتى والكلام العبيط دة فى كرتون فعلا بعشقة

لحد مكبرت وبقى حلمى اعمل كارتون فعلا يعرفالناس اسلامنا ودينا مش لازم يكون بيدى اسلامنا بصورة باشرة نفسى اوى بجد اعمل الكارتون دة بس استنونى كدا وهما بيعلنو عن توب بوكس فى السينما كارتون جرجر وباذن الله قادم ادم